പടിയിറങ്ങിപ്പോയവര്‍ പാതിവഴിയില്‍ തിരികെ വരുമെന്ന പ്രതീക്ഷ എനിക്കില്ല.പിരിഞ്ഞുപോകുമ്പോള്‍ അവള്‍ തന്ന കുന്നിക്കുരു .
എന്റെ തന്നെ മനസ്സും ശരീരവുമാണത്;
പാതി കറുപ്പും ചുവപ്പുമായി.
ഉന്മാദത്തിന്റെ ഉള്‍വിളിയില്‍ ഈ കറുത്ത മഴയില്‍
ഞാന്‍ നിന്നെ നനയുകയാണ്.
രക്തമൊലിക്കുന്ന ഒരു ഇടതുചെവി സൂര്യകാന്തിപ്പൂക്കള്‍ക്കിടയില്‍ ചിരിക്കുന്നു.
രക്തമൊലിക്കുന്ന ഒരു ഇടതുചെവി സൂര്യകാന്തിപ്പൂക്കള്‍ക്കിടയില്‍ ചിരിക്കുന്നു.
വലതുചെവിയില്‍ ചേര്‍ത്തുവെച്ച തോക്കിന്‍കുഴലിലൂടെ പാഞ്ഞുവന്ന
ഒരു തിര ഇടതുചെവി തകര്‍ത്തു കടന്നുപോയി.
