Thursday, September 27, 2007

ഒരു ചെവി സൂര്യകാന്തിപ്പൂക്കള്‍ക്കിടയില്‍ ചിരിക്കുന്നു

പടിയിറങ്ങിപ്പോയവര്‍ പാതിവഴിയില്‍ തിരികെ വരുമെന്ന പ്രതീക്ഷ എനിക്കില്ല.
പിരിഞ്ഞുപോകുമ്പോള്‍ അവള്‍ തന്ന കുന്നിക്കുരു .
എന്റെ തന്നെ മനസ്സും ശരീരവുമാണത്;
പാതി കറുപ്പും ചുവപ്പുമായി.
ഉന്മാദത്തിന്റെ ഉള്‍വിളിയില്‍ ഈ കറുത്ത മഴയില്‍
ഞാന്‍ നിന്നെ നനയുകയാണ്.
രക്തമൊലിക്കുന്ന ഒരു ഇടതുചെവി സൂര്യകാന്തിപ്പൂക്കള്‍ക്കിടയില്‍ ചിരിക്കുന്നു.
വലതുചെവിയില്‍ ചേര്‍ത്തുവെച്ച തോക്കിന്‍കുഴലിലൂടെ പാഞ്ഞുവന്ന
ഒരു തിര ഇടതുചെവി തകര്‍ത്തു കടന്നുപോയി.

Friday, September 21, 2007

എന്റെ പ്രണയനിലാവെല്ലാം ഇരുളെടുത്തുപോയ്...


ഓര്‍മ്മകളുടെ ഇരുളടഞ്ഞ ഗുഹയില്‍ പ്രണയത്തിന്റെ ഒരു തുണ്ടു നിലാവെളിച്ചത്തിനായി കാത്തിരിക്കുകയാണു ഞാന്‍.
പുറത്ത് ആസുരമായൊരു കടലിരമ്പം കേള്‍ക്കാം.
ഏതോ വിദൂരമായ തീരത്ത് എന്റെ ഹൃദയം വേഴാമ്പലാവുകയാണ്.